Russiýa Federasiýasynyň Howpsuzlyk geňeşiniň başlygy Dmitriý Medwedew duşenbe güni Soçi şäherinde geçirilen ýaşlar festiwalynda Ukrainanyň territoriýasynyň uly böleginiň Russiýa, Polşa, Rumyniýa we Wengriýa tarapyndan paýlaşylan karta görkezdi. Kartada diňe Kiýewiň we onuň töweregindäki kiçiräk sebitiň üstünde "Ukraina" ýazgysy bardy.
Russiýa Federasiýasynyň Howpsuzlyk geňeşiniň başlygy Dmitriý Medwedew mundan başgada "Dnepr derýasynyň iki kenaryndaky sebitiň Russiýanyň taryhy strategik serhetleriniň aýrylmaz bir bölegidigini" aýtdy. Kartada Pridnestrowýe bolsa Moldowanyň bölegi hökmünde görünýär.
"Şu günki ýagdaý 1962-nji ýyldaky ýagdaýdan has erbet" diýip aýdan Medwedew, häzirki ýagdaýy Kuba raketa krizisi bilen deňeşdirdi.
Medwedew: "Bu indi Russiýa garşy Amerikan ýaragy bilen, Amerikan ýöriteleşdirilen güýçleriniň we maslahatçylarynyň gatnaşmagynda alynyp barylýan giň gerimli söweş" diýip aýtdy.