Fransiýanyň çempionaty “Ligue 1-de” PSŽ säwliksiz ýörişini dowam etdirýär.Parižliler soňky tapgyrda çempionatyň güýçli wekillerinden “Lionyň” torundan jogapsyz 5 pökgi girizdi.Gollaryň 4-sini 13 minutyň dowamynda geçiren Kilian Mbappe, soňky 21 ýylda “Ligue 1-de” 1 oýunda 4 gol salan ilkinji futbolçy boldy.
Iň soňky sapar 1997-nji ýylda Patris Loko 1 duşuşykda 4 gezek tapawutlanypdy. Şeýle-de Mbappe soňky 45 ýylda “Ligue 1-de” bir duşuşykda 4 gol geçiren iň ýaş futbolçy adyny aldy.
Möwsüme juda şowsuz başlan “Monako” bu tapgyrda-da utulyp, 18-nji orna düşdi.Germaniýanyň çempionaty “Bundesligada” “Bawariýa” öz meýdançasynda ezeli bäsdeşi “Borussiýa M.” toparyndan 30 utulyp, liderligi aldyrdy.
Pako Alkaseriň soňky minutda geçiren goly bilen 43 ýeňiş gazanan Dortmundyň “Borussiýasy” mundan öňki tapgyrda-da şeýle hasap bilen myhmançylykda “Baýeri” utupdy.Dortmundlylar soňky 3 oýunda 15 gol geçirdi. 7-nji tapgyrda “Leipsig” öz meýdançasynda “Nürnbergden” 60 hasabynda üstün çykdy.