EURO 2024-iň saýlama tapgyrynyň çäginde “B” toparçada Fransiýanyň ýygyndysy myhmançylykda Niderlandlardan 2-1 hasabynda üstün çykdy.Duşuşykda fransuzlaryň gollarynyň ikisini hem 7-nji we 53-nji minutlarda Kilian Mbappe geçirdi.
Niderlandlaryň adyndanam 83-nji minutda Hartman tapawutlandy. Şunlukda, Fransiýanyň ýygyndysy 11-nji gezek Ýewropa çempionatynda çykyş etmäge hukuk gazandy. Ýewropa çempionatyna yzly-yzyna 9-njy gezek gatnaşjak Fransiýanyň ýygyndysy toparçadaky 6 duşuşygyň ählisinde-de ýeňiş gazandy. 13 gol geçiren fransuzlar soňky duşuşyga çenli gol hem geçirtmändiler.
Duşuşykda 2 gol geçiren Mbappeniň milli ýygyndydaky gollarynyň sany 42-ä ýetip, Mişel Platiniden öňe geçdi. Onuň öňünde Grizmann, Anri hem-de Žiru bar.
Toparçadaky beýleki duşuşykda Gresiýanyň ýygyndysy Irlandiýany myhmançylykda 2-0 ýeňip, utugyny 13-e çykardy hem-de 2-nji orna çykdy. Grekler 16-njy oktýabrda öz meýdançasynda Niderlandlar bilen duşuşar.