Ýaponiýanyň “Mazda” awtoulag öndürijisi 2027-nji ýylda ilkinji elektroulagyny öndürmegi maksat edinýär. Bu barada “Kyodo” habarlar agentligi habar berdi.
Maglumatlara görä, “Mazda” 2028-nji ýyldan başlap, şeýle görnüşli ulagyň önümçiligini yzygiderli artdyrmakçy. Şonuň ýaly-da, kompaniýa “Toyota” bilen hyzmatdaşlykda elektroulaglar üçin dolandyryş ulgamlaryny işläp düzmegi niýet edinýär.
Mundan başga-da “Nikkei” neşiri 2024-nji ýylda “Panasonic” korporasiýasynyň “Mazda”-ny elektroulaglar üçin niýetlenen batareýalar bilen üpjün edip başlajakdygyny habar berdi.