BMG-niň Ženewadaky ofisiniň hepdelik metbugat ýygnagynda beýannama beren Bütindünýä saglygy goraýyş guramasynyň Mama keselleri sekretarlygynyň Başlygy Lukman Rosamund Lewis, maýmyn mama wirusynyň ýaýramaga meýillidigine garamazdan howp emele getirmeýändigini aýtdy.
Lewis häzirki wagta çenli 16 ýurtda azyndan 250 adama maýmyn mama keselesiniň ýokuşandygynyň anyklanandygyny nygtap: “Wirus we onuň ýokançlygy hakynda bilýänlerimizden ugur alyp, bu pandemiýanyň gözegçilik astyna alynyp bilinjekdigini aýdasym gelýär” diýdi.
Maýmyn mama keseliniň esasan gemiriji haýwanlarda gabat gelinýändigini aýdan Lewis, kenguru alakasy, glis glis we çaýyr itlerinin şol wirusy ýaýradýan haýwanlardygyny çaklaýandyklaryny beýan etdi.
Uzak aradan soň Afrika materiginiň daşyna çykyp, 6-njy maýda Britaniýada görülen maýmyn mama keseli, 2 hepdäniň dowamynda 16 ýurda ýaýrady.
Britaniýadan daşgary Ispaniýa, Portugaliýa, Germaniýa, Italiýa, Kanada, Belgiýa, Şwesiýa, ABŞ, Ysraýyl we Daniýa maýmyn mama keseliniň gabat gelinen ýurtlaryň hatarynda durýan bolsa, kesel soňky gezen Birleşen Arap Emirliklerinde we Sloweniýada ýüze çykdy.
BSGG-nyň beýan etmegine görä mama keseliniň sanjymlary, maýmyn mama keseline garşy 85 göterime çenli netijeli.