Türkmensitanyň Oba hojalygy we daşky gurşawy goramak ministrliginde (TOHweDGGM) RSPB-iň (Beýik Britaniýanyň Guşlary goramak Şalyk jemgyýetiniň) wekilleriniň we daşky gurşawy goramak ulgamynda milli bilermenleriň sanly aragatnaşyk arkaly birinji duşuşygy geçirildi.
Maslahatyň işine RSPB-iň Türkmenistan boýunça menejeri Stefani Uard, şalyk jemgyýetiň mümkinçiligini berkitmek we taslamalaryny dolandyrmak boýunça menejeri Mark Deý, Norwegiýanyň tebigaty öwrenmek institutynyň (NINA) ylmy işgäri, Tebigaty Goramak Halkara Birleşginiň (TGHB) gulanlar boýunça toparynyň halkara maslahatçysy Petra Kaçinski, Çöller boýunça Merkezi Aziýa başlangyjy (CADI) taslamasynyň menejeri Ş.B.Garryýewa, professor, Merkezi Aziýanyň Ramsar sebit başlangyjyny Utgaşdyryjy komitetiniň Başlygy E.
A.Rustsamow, TOHweDGGM-niň wekilleri Daşky gurşawy goramak we gidrometeorologiýa müdirliginiň başlygy J.Saparmyradow, Daşky gurşawy goramak boýunça gullugyň başlygy S.B.Agajanow we beýleki hünärmenler gatnaşdylar.Duşuşykda türkmenistanly daşky gurşawy goraýjylaryň we ýabany tebigatda guşlary gorap saklamak hem-de goramak, bioköpdürliligi gorap saklamak we daşky gurşawy goramak bilen meşgullanýan Beýik Britaniýanyň haýyr-sawahat jemgyýetiniň hünärmenleriniň köpýyllyk bilelikdäki işiniň netijeleri ara alnyp maslahatlaşyldy.
Britaniýaly hünärmenleriň gatnaşmagynda köpsanly meýdan barlaglary, olaryň soňky ýyllarda taýýarlan ylmy hasabatlary we maslahatlary tebigaty goramak ulgamynda türkmen hem-de britan bilermenleriniň netijeli hyzmatdaşlygynyň mysalydyr.Türkmenistanda Esasy ornitologik çäkleriň (IBAs) 50-siniň barlagy Türkmenistan bilen RSPB-niň hyzmatdaşlygynyň has wajyp netijeleriniň biri boldy.
Hususan-da, Beýik Britaniýanyň Guşlary goramak Şalyk jemgyýetiniň guran halkara ekspedisiýasy Lebap welaýatynyň günortasynda, Döwletli etrabynda, Tallymerjen Esasy ornitoligik çäginde ählumumy derejede howp abanýan gara depe tekejyllygyň (Vanellus gregarious) migrasiýasy üçin aýratyn ähmiýetli sebiti ýüze çykardy.
Olaryň güýzki göçi döwri bu ýere şu guşlaryň dünýä populýasiýasynyň 30 göterimden gowragy ýygnanýar.Türkmenistanyň we Beýik Britaniýanyň bilermenleriniň şol sebite soňky ekspedisiýalary guşlaryň şu we beýleki görnüşlerini saklap galmakda onuň aýratyn ähmiýetini tassyklady.Tallymerjen çäginde çulukdan başga-da, Türkmenistanyň Gyzyl kitabyna girizilen guşlaryň beýleki görnüşleri bar, bu ýerde olaryň milli hem-de sebit ähmiýetli ençeme resurs görnüşleri ýaşaýar.
Duşuşykda RSPB-iň Türkmenistandaky işi barada hasabat, Tallymerjen çäkli goraghanasyny döretmegiň delillendirilen meýilnamasy bilen tanyşdyryldy.Tanymal hünärmenleriň gatnaşmagynda dolandyrmak boýunça meýilnama, hyzmatdaşlygyň beýleki meseleleri taýýarlanyldy.Maslahata gatnaşan daşary ýurtly bilermenler Türkmenistany ýetip gelýän Türkmenistanyň Bitaraplyk baýramy bilen gutladylar. Şunuň ýaly ikinji duşuşygy dekabryň üçünji on günlüginde geçirmek göz öňünde tutuldy.
Bilermenler Köýtendagyň ekoulgamy boýunça işleriň ýagdaýyny ara alyp maslaahtlaşmagy we 2021-2025-nji ýyllara hyzmatdaşlygyň geljekki ýollaryny bellemegi göz öňünde tutýarlar.