Mary welaýatynyň ekerançylary şu ýyl bugdaý hasyly ýygnalandan soň, 17 müň 900 gektar meýdana gant şugundyryny ekdiler. Ekerançylar bu ýerlerden gant şugundyrynyň 224 müň tonnasyny öndürmegi meýilleşdirýärler.
Şu günler bu aralyk ekininiň hasylyny çalt we ýitgisiz ýygnamak bilen baglanyşykly işler günsaýyn güýçlenmek arkaly dowam edýär. Bu işde welaýatyň Baýramaly, Murgap, Wekilbazar etraplarynyň gant şugundyrçylary işjeňlik görkezýärler. Bu barada Bereketli toprak gazetinde habar berildi.