Düýn 19-njy fewralda Marsa şowly ýagdaýda gondurylan NASA-nyň “Perseverance” atly tigirli roboty ol ýerde düşüren ilkinji suratlaryny iberip başlady.NASA-nyň sosial media akkaundyna jemi üç surat goýuldy.
Onuň birinji suratyň aşagyna “Toparyň birnäçe ýyllap eden arzuw, indi hakykat” ýazgysy ýerleşdirilipdir.Ikinji suratyň aşagynda “Açyş etmek üçin köp zat bolan gözýetim.Başlamak üçin howlugýan” diýlip ýazylypdyr. “Gaýalary halaýaryn.
Tigrimiň gapdaljygyndakylara seret!Wulkanikimi ýa-da çökündi?Haýsy hekaýat barada gürrüň berýärler? Öwrenmek üçin howlugýan”.
Köpçülige ýaýradylan ilkinji suratda “Perseverance”-yň Marsa paraşýut bilen gonýan pursaty bar. “Perseverance” marsahodynyň üstünde jemi 20 kamera we iki sany mikrofon bar. Şeýle hem onuň üstünde kameraly kiçijik dikuçar bar. Sürüjisiz enjam Gyzyl planetany guşuçar belentlikden surata alar.
“Perseverance” ABŞ-nyň Marsa üstünlikli gonduran dokuzynjy enjamydyr. “InSight” we “Curiosity” bolsa häzirki wagtda hem Marsyň ýüzünde işjeň ýagdaýda ulanylýar. NASA 2030-njy ýyla çenli Marsa adamly uçuşy amala aşyrjak tehnologiýany işläp taýýarlamagy maksat edinýär.
The post Marsdan ilkinji suratlary iberdi appeared first on Zaman Türkmenistan.