Moto GP-de möwsümiň 15-nji bäsleşigi Tailandyň Buriram Halkara trassasynda geçirildi.Bu ýurtda ilkinji gezek geçirilen “Gran Pride” 26 aýlawy 39 minut 55,722 sekuntda geçen ispaniýaly Mark Markes (“Honda”) ýeňiş gazandy. Şu ýyl 7-nji, karýerasy boýunça-da 42-nji gezek ýeňiş gazanan Markes nobatdaky çempionlygyna golaýlady.
Tailand “Gran Prisinde” 2-nji ýeri italiýaly Andrea Dowizioso (“Ducati”) eýeledi.Münberiň 3-nji basgançagyna-da “Yamaha” toparyndan Mawerik Winýales çykdy.Bu ýaryşdan soň, Dowizioso (194 utuk) çempionlyk umydyny häzirlikçe saklan hem bolsa, möwsümiň tamamlanmagyna 4 ýaryş galanda, Markes (271 utuk) esasy bäsdeşi bilen arasyndaky utuk aratapawudyny 77-ä ýetirdi.
Moto GP-de möwsümiň 16-njy ýaryşy 21-nji oktýabrda Ýaponiýanyň Motegi şäherçesinde guralar.