Moto GP boýunça möwsümiň 10-njy ýaryşy Çehiýada geçirildi.Brno şäherinde guralan bäsleşikde “Repsol Honda” toparynyň ispan sürüjisi Mark Markes ilkinji hatardan bat aldy.Ol 22 aýlawy 44 minut 15,974 sekuntda tamamlap, şu ýylky 3-nji, karýerasyndaky 32-nji ýeňşini gazandy.
Markesden 12,4 sekunt yza galan topardaşy hem watandaşy Dani Pedrosa 2-nji, “Mowistar Ýamahadan” başga bir ispaniýaly sürüji Mawerik Winýales 3-nji orny eýeledi.Geçirilen bu ýaryşdan soň, utugyny 154-e ýetiren Mark Markes arany az-owlak açdy.
Pilotlaryň sanawynda 140 utukly Mawerik Winýales 2-nji orunda barýar.Degişlilikde, 133 we 132 utukly italýan sürüjileri Andrea Dowizioso bilen Walentino Rossi 34-nji ýerleri paýlaşýarlar. Çempionlygyň ýene bir dalaşgäri Dani Pedrosa 123 utuk toplady we 5-nji hatarda barýar.