Fransiýada geçirilen Moto GP boýunça möwsümiň 5-nji bäsleşiginde “Repsol Honda” toparynyň ispan sürüjisi Mark Markes ýeňiş gazandy.Ol 27 aýlawy 41 minut 49,733 sekuntda tamamlap, yzly-yzyna 3-nji ýeňşini baýram etdi.
Bu onuň karýerasyndaky 38-nji ýeňşidir.Ondan 2,3 sekunt az netije görkezen italiýaly Danilo Petruççi 2-nji (“Alma Pramac Racing Ducati”), başga bir italýan sürüjisi Walentino Rossi (“Movistar Yamaha MotoGP”) 3-nji ýeri eýeledi.
Geçirilen bu ýaryşdan soň, utugyny 95-e ýetiren Markes 1-nji hatarda barýar. 2-nji ýerdäki Mark Winýalesiň 59, 3-nji orundaky Ýohan Zarkonyň 58 utugy bar.Moto GP-däki 6-njy bäsleşik 3-nji iýunda Italiýada geçiriler.