Wersal köşgünde abatlaýyş işlerinden soňra Fransiýanyň soňky şa zenany Mariýa-Antanettanyň şahsy otaglary syýahatçylar üçin açyldy, diýip The Guardian habar berýär.
Otaglar buduary, kitaphanany we bilýard otagyny öz içine alýar. Şa zenany 1789-njy ýylda parižlileriň Wersaly eýelän wagtynda şol otaglarda gizlenipdir.
Mariýa-Antuanettanyň otaglarynyň düýpli abatlaýyş işleri Wersalyň 400 ýyllygy mynasybetli ony gaýtadan dikeltmek boýunça giň gerimli taslamanyň bir bölegidir. Şa zenanynyň otaglaryndan başga-da, oba öýleri we Kiçi Trianon köşgi hem gaýtadan dikeldildi. Taryhçylar we arhitektorlar köp ýyllaryň dowamynda şol döwrüň ýazgylary hem-de suratlary boýunça Wersal köşgüniň içiniň XVIII asyrda nähili görnendigini öwrendiler.