Universal Pictures kinostudiýasy meşhur aktýor Dew Pateliň ilkinji gezek režissýorlyk etmeginde surata düşürilýän Mankimen söweşli filminiň ilkinji treýlerini çykardy. Bu barada Film.ru habar berýär.
Treýlerde Mankimen diýlip tanalýan, gorillanyň nikabyny geýen syrly söweşiji Mumbaýda kriminal adamlara we korrumpirlenen syýasatçylara garşy göreşýär. Treýlerden görnüşi ýaly, Mankimen bu adamlar tarapyndan öldürilen maşgalasyndan ar almagy ýüregine düwüpdir.
Filmdäki rollaryň birini Şarlto Kopli ýerine ýetirdi (9-njy etrap). Jordan Pil filme prodýuserlik etdi (Sowul). Filmiň ilkinji görkezilişi ABŞ-nyň teatrlarynda 5-nji aprele meýilleşdirilýär.