Osmanly imperiýasy döwründe tagta dalaşgär bolan şazadalaryň ilkinji dolanşyk tejribesini toplamak üçin iberilen ýer bolan we şol sebäpli “Şazadalaryň şäheri” hökmünde bilinýän Manisa, mesir pastasyndan çereşnýa, zeýtun ýagyndan üzüme çenli geografiki taýdan özboluşly önüm hökmünde hasaba alynan önümleriň aglabasyna ýer eýeçiligini edýär.
Salihli etrabynyň Söwda we senagat palatasynyň ýüz tutmagy netijesinde 2006-njy ýylda Türkiyäniň geografiki taýdan özboluşly önüm hökmünde hasaba alynan “Odun kotledi” hem şolaryň biridir.Kotledi bişirmekde ulanylýan dub agajyndan adyny alyp gaýdýan Salihli odun kotlediniň önümçiliginde 1 ýaşly erkek guzy eti ulanylýar, üwelen ýagdaýa getirilen ete azajyk un we duz goşulýar.
Dub agajynyň odunynda bişirilýän, aňsatlyk bilen çeýnäp bolýan, özboluşly we suwly tagama eýe bolan Salihli Odun kotledi, hödür kerem edilýän mahaly müşderiniň tabagyna dakylan çiýşlik bilen birlikde getirilýär.Nahar hödür kerem edilen mahaly kiçijek tabaklar ulanylýar we kotlet, az-azdan hödürlenýär we şeýlelik bilen kotlediň sowamadan iýilmegi üpjün edilýär.
Kotlediň ýany bilen köz odunda bişen pomidor we burç bilen otlar berilýär.