Angliýanyň çempionatynda tapgyryň iň esasy duşuşygynda Mançester derbisinde “Ýunaýted” myhmançylykda “Sitini” oýnuň tamamlanmagyna 2 minut galanda, geçiren gollary esasynda 2-1 hasabynda ýeňdi. 36-njy minutda Gwardiolyň goly bilen öňe geçen “Siti” 88-nji minutda Bruno Fernandeşiň penaltisini hem-de 90-njy minutda Amad Diallonyň goluny saklap bilmedi. Şunlukda, Amorim Fergusondan soň Mançester derbisinde ýeňiş gazanan ilkinji ýunaýtedli tälimçi boldy.
Sanawyň lideri “Liwerpul” öz meýdançasynda “Fulham” bilen 2-2 hasabynda deňme-deň oýnady. 17-nji minutda 1 oýunçy kem galan “Liwerpulyň” 2 gezek hasaby deňläp, ýeňlişden halas boldy (Gakpo 47, Žota 85 Pereýra 11, Muniz 76). “Arsenalyň” “Ewerton” bilen golsuz deňme-deň oýnan tapgyrynda “Çelsi” öz meýdançasynda “Brentfordy” 2-1 hasabynda ýeňlişe sezewar etdi. “Çelsi” bassyr 5-nji ýeňşini gazanyp, olar çempionatda 8 oýundan bäri utulanok.
“Nottingam Forest” bilen “Aston Willanyň” arasyndaky oýunda myhmanlar Duranyň 63-nji minutdaky goly öňe geçse-de, oýnuň soňky minutlarynda 2 gol salan “Nottingam Forest” 2-1 hasabynda ýeňşini baýram etdi. 4 oýundan soň ýeňiş gazanan “Tottenham” myhmançylykda “Southemptonyň” derwezesinden jogapsyz 5 gol geçirdi.
Gollaryň 2-sini Meddison öz adyna ýazdyrdy. “Kristal Palasdan” 3-1 hasabynda asgyn gelen “Braýton” öz meýdançasynda ilkinji gezek ýeňlişe sezewar boldy.Olar “Premier Ligada” şu wagta çenli 180 duşuşyk geçirip, şolarda 60 gezek ýeňiş gazandy, 60 saparam utuldy.
Olaryň 60 oýny-da deňlikde gutardy.
Arsenal Ewerton: 0-0,
Liwerpul Fulham: 2-2 (Gakpo 47, Žota 85 Pereýra 11, Muniz 76),
Nýukasl Lester: 4-0 (Mörfi 30, 60, Gimaraýns 47, Isak 50),
Wulwerhempton Ipswiç: 1-2 (Mateus Kunýa 72 Dogerti 15 ö.d., Teýlor 90+4),
N. Forest A. Willa: 2-1 (Milenkowiç 87, Elanga 90+3 Duran 63),
Braýton K. Palas: 1-3 (Gehi 87 ö.d. Çaloba 27, Sarr 33, 82),
Man. Siti Man. Ýunaýted: 1-2 (Gwardiol 36 Bruno Fernandeş 88 p, Diallo 90),
Çelsi Brentford: 2-1 (Kukurelýa 43, Jekson 80 Mbemo 90),
Southempton Tottenham: 0-5 (Meddison 1, 45+4, Son 12, Kulusewski 14, Sarr 25),
Bornmut West Ham (01:00)