UEFA Ýewropa ligasynda ýarym finalyň birinji oýunlary oýnaldy. “Mançester Ýunaýted” öz meýdançasynda “Roma” bilen duşuşdy. Çekeleşikli geçen duşuşykda 8 gol geçirildi.Mankunianlar 9-njy minutda Bruno Fernandeşiň goly bilen hasaby açsalaram, 15-nji minutda Pellegrininiň penaltiden hem-de 34-nji minutda Edin Jekonyň geçiren gollary esasynda italýan kluby 1-nji ýarymy 2-1 öňde tamamlady. Ýöne 2-nji ýarymda iňlis topary düýpgöter başga oýun görkezdi. 48-nji minutda 1-nji goluň pasyny beren Edinson Kawani hasaby deňledi.
Ol 64-nji minutda ýene bir ýola tapawutlanyp, toparyny öňe çykardy. 71-nji minutda bellenen penaltini dürs uran Bruno Fernandeş aratapawudy has-da artdyrdy.Bu onuň şu möwsümdäki 12-nji penalti goly boldy. 75-nji minutda Pol Pogba, 86-njy minutda-da Grinwud tapawutlanyp, 6-2 hasabynda ýeňiş gazanan “Mançester Ýunaýted” final ynamly ädim ätdi.
Bu duşuşyk Ýewropa ligasynda 8 gol geçirilen ilkinji oýun hökmünde hasaba alyndy.Jogap oýny 6-njy maýda oýnalar.
The post “Mançester Ýunaýted” gol bolup ýagdy appeared first on Zaman Türkmenistan.