UEFA Çempionlar ligasynda “H” toparçada “Mançester Ýunaýted” myhmançylykda “Leipsigden” 3-2 utulyp, ýaryşdan çykdy. 2-nji minutda Anhelinio hem-de 13-nji minutda Haidaranyň gollary bilen 1-nji ýarymda 2-0 öňe saýlanan ýer eýeleri 69-njy minutda hasaby 3-e çykardylar.
Bu goly Jastin Kluiwert derwezä girizdi.Oýnuň ahyrky minutlarynda tijenen “Mançester Ýunaýted” 80-nji minutda Bruno Fernandeşiň penalti hem-de 82-nji minutda Konateniň öz derwezesinden geçiren gollary bilen hasaby 3-2-ä ýetirdi. Ýöne bu 2 gol olaryň ýaryşy dowam etmegi üçin ýeterlik bolmady.
Oýnuň soňky sekuntlarynda tasdanam hasap deňlenipdi.Eger-de duşuşyk deňlikde tamamlanan bolsa, iňlis topary 1/8 finala çykardy. Şeýlelikde, “Mançester Ýunaýted” Çempionlar ligasynyň taryhynda 5-nji gezek toparçadan çykyp bilmedi.
Olar 1994/95, 2005/06, 2011/12 hem-de 2015/16 möwsümlerinde-de şeýle şowsuzlygy başdan geçiripdiler. “Leipsig” bolsa, taryhynda 3-nji gezek gatnaşýan ýaryşynda 2-nji sapar pleý-off tapgyrynda oýnamaga hukuk gazandy.
Toparçadaky beýleki oýun 14-nji minutdan soň ýatyryldy. PSŽ bilen “Istanbul Başakşehiriň” arasyndaky oýnuň 14-nji minutynda 4-nji emin bilen türk klubunyň kömekçi tälimçileriniň arasynda ýüze çykan jynsparazlyk bilen baglanyşykly meseleden soň, oýun ýatyryldy. Duşuşyk şu gün galan ýerinden dowam eder.
“E” toparçanyň duşuşyklarynda “Çelsi” bilen “Krasnodar” 1-1 (Žoržinio 28 p Kabella 24) deňme-deň oýnady. “Sewilýa” bolsa myhmançylykda “Renn” topparyny 1-3 ýeňdi (Rutter 86 p Kunde 32, En-Nesiri 45+2, 81).
Toparçada ozal “Çelsi” bilen “Sewilýa” 2-nji tapgyrda çykyş etmäge hukuk gazanypdy. Ýaryşyň debýutantlaryndan “Krasnodar” Ýewropa ligasynda çykyş eder, “Renn” bolsa Ýewrokuboklar bilen hoşlaşdy.
The post “Mançester Ýunaýted” 5-nji gezek toparçadan çykyp bilmedi appeared first on Zaman Türkmenistan.