Angliýanyň çempionatynda tapgyryň merkezi oýnunda sanawyň lideri “Liwerpul” öz meýdançasynda soňky 4 ýylyň çempiony “Mançester Sitini” 2-0 hasabynda ýeňdi. Çekeleşikli geçen oýunda “Liwerpula” ýeňiş getiren gollary 12-nji minutda Gakpo bilen 78-nji minutda penaltiden Salah geçirdi.
Bu “Liwerpulyň” soňky özara 5 duşuşykda “Mançester Sitini” ilkinji ýeňşidir. Şunlukda, “Liwerpul” “Mançester Sitiden” 11, 2-3-nji ýerlerdäki toparlardanam 9 utuk öňe saýlandy.Noýabr aýyny ýeňişsiz tamamlanan “Mançester Siti” topary 7 oýundan bäri ýeňiş gazanyp bilenok. Şeýle-de, “Mançester Siti” 2008-nji ýyldan bäri ilkinji gezek çempionatda yzly-yzyna 4 oýunda ýeňlişe sezewar boldy.
Guardiolanyň tälimçiliginde bolsa şeýle statistika ilkinji gezek bellige alynýar.
Tälimçisini täzelän “Mançester Ýunaýted” çempionatda Amorimiň ýolbaşçylygynda ilkinji ýeňşini gazanyp, mankunianlar öz meýdançasynda “Ewertondan” Reşfordyň (2) hem-de Zirkzeeniň (2) gollary esasynda 4-0 üstün çykdy.
London derbisinde-de “Arsenal” myhmançylykda “West Hamy” 5-2 hasabynda ýeňlişe sezewar etdi. Gollaryň ählisi hem 1-nji ýarymda derwezä girizildi. Soňky 12 ýylda şeýle hasabat ilkinji gezek bellige alnyp, “Arsenalyň” gollaryny Gabriel, Trossar, Edegor, Hawerts hem-de duşuşygyň ýyldyzy Saka geçirdi.
“Çelsi” bolsa öz meýdançasynda “Aston Willanyň” derwezesinden jogapsyz 3 gol girizdi.
“Wulwerhempton” “Bornmut” duşuşygynda myhmanlar 4-2 hasabynda ýeňiş gazandy. “Bornmut” toparynyň gollarynyň 3-sini penaltiden Jastin Kluiwert geçirdi. Ol “Premier Ligada” 1 oýunda penalti gollary bilen het-trik eden ilkinji oýunçy boldy. Şeýle-de, “Bornmutyň” 3 penaltisini-de hem toparyň hüjümçisi Ewanilson gazandyryp, ol hem muny başaran ilkinji oýunçy hökmünde hasaba alyndy.
“Brentford” topary-da öz meýdançasynda “Lester Sitini” 4-1 hasabynda ýeňip, oýunda ýer eýelerinden Şade 3 goly derwezä girizdi.
APL-de 14-nji tapgyryň duşuşyklary 2-4-5-nji dekabrda oýnalar.
13-nji tapgyryň netijeleri:
Braýton Southempton: 1-1 (Mitoma 29 Dawns 59),
Brentford Lester: 4-1 (Wissa 25, Şade 29, 45+8, 59 Buonanotte 21),
K. Palas Nýukasl: 1-1 (Munios 90+4 Gehi 53 ö.d.),
N. Forest Ipswiç: 1-0 (Wud 48 p),
Wulwerhempton Bornmut: 2-4 (Strand Larsen 5, 69 Kluiwert 3 p, 18 p, 74 p, Kerkez 8),
West Ham Arsenal: 2-5 (Wan-Bissaka 38, Emerson 40 Gabriel 10, Trossar 27, Edegor 34 p, Hawerts 36, Saka 45+5p),
Çelsi Aston Willa: 3-0 (Jekson 7, Fernandes 36, Palmer 83),
M. Ýunaýted Ewerton: 4-0 (Reşford 34, 46, Zirkzee 41, 64),
Tottenham Fulham: 1-1 (Jonson 54 Kerni 67),
Liwerpul Man. Siti: 2-0 (Gakpo 12, Salah 78 p)