Angliýanyň çempionatynda 35-nji tapgyrda “Liwerpul” myhmançylykda “Kardiff Sitini” Wiýnaldum we Milneriň gollary bilen 20 ýeňdi. “Mançester Siti” bolsa, “Tottenhamdan” Fodeniň 5-nji minutdaky goly bilen 10 üstün çykdy. “Mançester Ýunaýted” myhmançylykda “Ewertondan” 40 asgyn gelip, öňdäki dörtlüge düşmek ugrunda uly ýitgä sezewar boldy. Şeýle-de 31-nji tapgyryň galdyrylan oýnunda, çempionlygy kesgitleýän “Mançester” derbisinde “Siti” myhmançylykda “Ýunaýtedi” 20 utup, sanawda 1-nji orna geçdi.
Häzirki wagtda “Siti” bilen “Liwerpulyň” arasynda 1 utuk aratapawut bolup, Mançester şäheriniň kluby çempionlyk ugrunda bir ädim öňde barýar. “Watford” bilen “Southemptonyň” arasyndaky oýunda taryhy rekord goýuldy.Myhmançylykdaky toparyň 32 ýaşyndaky irlandiýaly oýunçysy Şeýn Long duşuşygyň 7-nji sekundynda hasaby açdy.
Bu gol “Premier liganyň” taryhynda geçirilen iň çalt gol diýlip hasaba alyndy.