UEFA Çempionlar Ligasynda “G” toparçadaky 2 duşuşyk hem deňlikde tamamlandy. “Kopengagen” öz meýdançasynda “Mançester Siti” bilen duşuşdy. 30-njy minutda 1 oýunçy (Serhio Gomez) kem galan “Mançester Siti” topary birnäçe amatly pursatlardan peýdalanyp bilmedi. Şolaryň biri penalti urgusy bolup, 25-nji minutda Riýad Mahreziň penaltisini derwezeçi sowmagy başardy. “Kopengagen” toparynyň Çempionlar Ligasynda öz meýdançasynda geçiren bassyr 4-nji duşuşygy 0-0 tamamlandy.
Bu deňlik “Mançester Siti” toparyna 1/8 finala çykmak üçin ýeterlik boldy.Pep Guardiolanyň şägirtleri bassyr 12-nji gezek gatnaşýan ýaryşynda yzly-yzyna 10-njy gezek 2-nji tapgyrda çykyş ederler.
Duşuşykda Erling Holann meýdança çykmady.
Toparçadaky beýleki duşuşykda “Borussiýa Dortmund” bilen “Sewilýa” hem utuklary paýlaşdylar. Tälimçisini çalşan ispan kluby 18-nji minutda Nianzu bilen öňe saýlandy. Nemes topary 35-nji minutda Bellingamyň goly bilen jogap berdi. Duşuşyk 1-1 hasabynda deňlikde tamamlanyp, “Sewilýa” 2-nji tapgyra çykmak üçin göreşini dowam etdirer.