Afrika ýurdy bolan Malide aralarynda Geçiş Geňeşiniň başlygy Bah Ndaw we Premýer ministr Moktar Ouane hem bolan ýokary derejeli köp sanda ýolbaşçy ýurdyň goşuny tarapyndan göz tussaglygyna alyndylar.
Ýerli metbugatda berilen habarlarda, göz tussaglygyna alynan adamlaryň arasynda Goranmak ministriniň hem bardygy we ady agzalan adamlaryň ýurdyň paýtagty Bomako şäheriniň daşyndaky Kati diýilýän ýerde ýerleşýän harby baza alynyp gidilendigi aýan edildi.
Mali döwletinde 18-nji iýunda harby agdarlyşyk amala aşyrylypdy. Harby agdarlyşykda ýurdyň Prezidenti Ibrahim Boubakar Keita tussag edilipdi we Geçiş Geňeşiniň çäginde täze hökümet emele getirilipdi.
Beýleki tarapdan Türkiýäniň Bomako şäherindäki ilçihanasy özüniň Twitter hasabyndan Malide ýaşaýan türk raýatlaryna mejbur bolmadyklary saýyn köçä çykmazlyk we seresaplylyk bilen hereket etmekleri barada duýduryş berdi.