Malawiniň prezident ofisinden berilen beýanatda, wise-prezident Saulos Klaus Çilimany we ýanyndaky 9 ýolagçyny alyp barýan harby uçaryň ýere gaçandygy mälim edildi.
Beýanatda uçaryň içindäki Çilimanyň we beýleki 9 adamyň ýogalandygy aýan edildi.
Ýurduň paýtagty Lilongwe şäherinden Mzuzu şäherine gitmek maksady bilen ýola çykan uçar düýn agşam radardan ýitipdi.
Malawiniň prezidenti Lazarus Çakwera uçaryň ýaramaz howa şertleri we görüş aralygynyň pesdigi sebäpli Mzuzu şäherindäki howa menziline gonup bilmändigini we birnäçe wagt soň radardan ýiten uçaryň tapylmagy üçin tapawutly ýurtlardan kömek tekliplerini alandyklaryny habar beripdi.
Dereksiz ýiten uçaryň bölekleri gözleg işleriniň netijesinde Mzuzu şäheriniň günortasyndaky Çikangawa tokaýynda tapyldy.