Tebigy apatlar we adatdan daşary ýagdaýlar edarasy (AFAD) Malatýa welaýatynda Türkiyäniň wagty bilen sagat 10:46-da bolan ýer titremäniň güýç merkezini Kale etrabydygyny habar berdi.
Ýer titremäniň ýeriň 10 km aşagynda emele gelendigi mälim edildi.
Malatýa, Diýarbakyr, Şanlyurfa, Elazyg, Batman we Tunjeli welaýatlarynda AFAD edarasynyň işgärleri bilen birlikde Içeri işler edaralarynyň we Žandarma güýçleriniň gözegçilik işleri dowam edýär.
Ýer titreme sebäpli 112 belgili Gyssagly kömek merkeziniň telefonyna 374 gezek jaň geldi.
Malatýa, Şanlyurfa we Elazyg welaýatlarynda 3 bina zeper ýetdi.
Elazyg welaýatynda zeper ýeten 1 binanyň içindäki 4 adam halas edildi.
Malatýa welaýatynyň Pötürge we Kale etraplarynda gaýanyň bölekleri gaçdy.