Malatýada harabalygyň aşagynda bolan Malatýa şäher häkimliginiň sport komandasynyň iki milli woleýbolçysy Mehmet Jan Agyrbaş bilen Eminjan Kojabaş halas edilip bilinmedi.
Türkiýe Woleýbol federasiýasynyň woleýbol bäsleşiklerine gatnaşýan Malatýa şäher häkimliginiň sport komandasynyň türgenleriniň bolýan myhmanhanasy ýer titremesinde ýykyldy.
Gözleg we halas ediş işlerinde harabalygyň aşagynda galan iki woleýbolçynyň jesedi çykaryldy.
Türkiýe Woleýbol federasiýasyndan berlen beýannamada, “Ýurdumyzda bolan ýer titremesinde Malatýa şäher häkimliginiň sport komandasynyň iki milli woleýbolçysy Mehmet Jan Agyrbaş bilen Eminjan Kojabaşyň ýogalmagyna uly gynanç bildirýäris. Türgenlerimize Alladan rehnet dileýäris. Hossarlaryna, Malatýa şäher häkimliginiň sport komandasyna we ähli woleýbolçylara gynanç bildirýäris” diýildi