Pähim-paýhas ummany Magtymguly Pyragy ýyly mynasybetli Magtymguly Pyragynyň nusgalyk döredijiliginde beýan edilýän ahlak häsiýetleri ýaşlara wagyz etmek, ýaşlary milli ruhda terbiýelemek maksady bilen geçirilýän duşuşyklardyr dabaralar günsaýyn biri-biri bilen sepleşýär.
Arkadag şäheriniň Taryhy we ülkäni öwreniş muzeýinde Türkmenistanyň Magtymguly adyndaky Ýaşlar guramasynyň Arkadag şäheriniň geňeşiniň gurnamagynda Magtymguly-ynsan köňlüniň çyragy atly brifing duşuşygy geçirildi.
Magtymgulynyň şahyrana döredijiligi, türkmene mahsus beýik ynsan häsiýetlerini jemleýän şygyrlary halkyň kalbynda ýaňlanýar.Magtymgulynyň şygryýet ussatlygyna teşne bolan ýaşlaryň döredijilik ukyplaryny açyp görkezmek maksady bilen geçirilýän bu dabara Türkmenistanyň Halk ýazyjysy Orazguly Annaýewiň, Biznes reklama gazetiniň baş redaktory Seýitmyrat Geldiýewiň, Arkadag gazetiniň habarçysy Nowruz Ýegenmyradowyň, Aba Annaýew adyndaky Halkara atçylyk akademiýasynyň mugallymy Söýenç Ahmedowyň, Berdimuhamet Annaýew adyndaky Arkadag şäher mugallymçylyk orta hünär okuw mekdebiniň mugallymy Oguloraz Durdyýewanyň çykyş etmeginde gyzykly döredijilik duşuşygy geçirildi.
Adamzat kalbynyň şahyry Magtymguly Pyragynyň döredijiligi çykyş edenleriň söhbetiniň esasy mazmuny boldy.Dünýä şygryýetiniň şamçyragy Magtymguly Pyragynyň öwüt-nesihat goşgulary halkymyzyň watançylyk ruhuny beýgeldip ýaşlarymyza gönezlik mekdebidir.
Türkmen halkynyň baý edebi mirasyny dünýä ýaýmakda giň ýol açan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt bähbitli işleriniň mundan beýläkde rowaçlyklara ýar bolmagyny arzuw edýäris.