Türkmenistanyň Gazagystan Respublikasyndaky ilçihanasynda Gazagystan Respublikasynyň Prezidentiniň geňeşçisi Omarow Bauyržan Jumahanulyna Magtymguly Pyragynyň 300 ýyllygyna atly ýubileý medalyny gowşurmak dabarasy geçirildi. Ýubileý medaly Türkmenistanyň Prezidenti Serdar Berdimuhamedowyň adyndan Türkmenistanyň Gazagystan Respublikasyndaky Adatdan daşary we Doly ygtyýarly ilçisi Batyr Rejepow gowşurdy. Bu barada ilçihananyň resmi saýtynda habar berildi.
Gowşurylyş dabarasynda Bauyržan Omarow Türkmenistanyň Prezidenti Serdar Berdimuhamedowa we türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowa minnetdarlyk bildirdi.
Şeýle hem, Bauyržan Omarow beýik türkmen akyldary we şahyry Magtymguly Pyragynyň eserleriniň ähmiýetini belläp, sebitiň dünýä edebiýatyna we medeniýetine täsirini nygtady.
Şol bir wagtyň özünde, taraplar ylmy, medeni we ynsanperwer ugurlarda iki döwletiň arasyndaky hyzmatdaşlygyň möhüm taraplaryny ara alyp maslahatlaşdylar. Şunuň bilen baglylykda şahyryň goşgularynyň köpüsiniň gazak diline terjime edilendigi bellendi.