Belarussiýanyň prezidenti Aleksandr Lukaşenko Belarussiýanyň Belta habarlar agentligine beýanat berdi.
Belarussiýanyň goşunyny söweşmek üçin serhetden çykarmajakdyklaryny aýdan Lukaşenko: "Ýurtdan çykmak barada buýruk berilmedi we bolmaz. Diňe erbet niýet bilen bize gelseler söweşeris. Şolar ýaly" diýip habar berdi.
Ukrainanyň daşary işler ministrligi Belarussiýanyň türgenleşik ady bilen serhetde esgerleri we harby enjamlary ýygnaýandygyny belläp, serhet bozulan halatynda ähli harby bölümleriniň we desgalarynyň goşun tarapyndan nyşana alynjakdygy barada duýduryş berdi.
Beýleki tarapdan, Belarussiýanyň Goranmak ministrligi 26-njy awgustda türgenleşik üçin raketa we artilleriýa bölümleriniň Russiýa iberilendigini habar berdi.