Belarus Respublikasynyň Prezidenti Aleksandr Lukaşenko ýurduň ýaşaýjylaryny geljekde özüniň döwlet Baştutany wezipesinden gitmegine taýýarlaýandygyny habar berdi. Bu barada ol Rossiýa-1 teleýaýlymyna beren interwýusynda aýtdy.
Men adamlary muňa taýýarlaýaryn. Biz öňräk Konstitusiýany özgerişliklere laýyklykda üýtgetdik. Biz şu geçen ýyllarda örän köp işleri durmuşa geçirdik. Kime ýarar, kime ýaramaz, emma adamlar umuman alnanda, özlerini oňat duýýarlar diýip, Lukaşenko söhbetdeşlikde nygtady.
Öň, 10-njy awgustda Belarusuň lideri ýurduň Gorodise agro-şäherjiginiň ýaşaýjylarynyň 2025-nji ýyldaky Prezident saýlawlaryna gatnaşmakçydygy barada sowalyna Respublikanyň ýaşaýjylarynyň täze Prezidentiň ýurdy dolandyryp biljekdigi hakynda pikire öwrenişmelidigi barada jogap beripdi. Lukaşenko wezipesinden gidende, oruntutaryna parahat we asuda ýurdy miras goýmalydygyny hem sözüniň üstüne goşdy.