Möwsümi kuboksyz tamamlan “Real Madrid” kluby Germaniýanyň “Aýntraht” toparynyň serbiýaly hüjümçisi Luka Ýowiçi transfer etdi.Ispanlar 21 ýaşly oýunçy bilen 6 ýyllyk şertnama baglaşdy.Madridliler Ýowiç üçin nemes klubuna 70 million ýewro berer. Ýowiç tamamlanan möwsümde 48 resmi duşuşykda 27 gol geçirdi. “Aýntraht” topary Ýowiçi 2017-nji ýylda “Benfikadan” kärendesine alypdy.
Nemes topary ýaş oýunçyny şu ýylyň aprel aýynda 6 million ýewro töläp, ymykly transfer edipdi. Şeýlelikde, “Aýntraht” 2 aýdan soňam bu oýunçyny 70 million ýewro baha “Reala” ugratdy. “Real Madrid” öňümizdäki günlerde ýene-de birnäçe oýunçyny “Liondan” goragçy Ferland Mendini, “Çelsiden” Edin Hazardy, “Tottenhamdan” Kristian Erikseni ýa-da “Mançester Ýunaýtedden” Pol Pogbany hataryna goşup biler.