Los-Anjeles şäheriniň Kazyýet-lukmançylyk edarasy ýangynda ýogalan adamlar bilen bagly beýanat berdi.
Ýangynda ýogalanlaryň sanynyň 24 adama ýetendigi bellenen beýanatda, 16 adamyň bolsa dereksiz ýitendigi, şol sanyň artyp biljekdigi mälim edildi.
Beýleki tarapdan takmynan 150 müň adamyň ewakuasiýa edilmegi barada görkezme berilendigi we ewakuasiýa edilen 700-den gowrak adamyň wagtlaýyn ýaşaýyş ýerlerine ýerleşdirilendigi aýan edildi.
Milli Meteorologiýa gullugynyň resmileri, ýangyny güýçlendirip biljek şemallaryň 15-nji ýanwara çenli dowam edip biljekdigini duýdurdylar.
Los-Anjeles şäheriniň resmileri metbugat ýygnagynda ýangyn bilen baglanyşykly soňky wakalar barada hem maglumat berdiler.
Los-Anjeles sebitiniň şerifi Robert Luna ýangynlar bilen bagly häzirki wagta çenli 29 adamyň göz tussaglygyna alynandygyny, şolaryň 4-siniň köçä çykmak gadagançylygyny bozandyklaryny, beýlekileriniň bolsa ýangyn söndüriji gullugyna degişli egin-eşikleri geýen ogrylar bilen bilen birlikde talaňçylyk we ogurlyk wakalaryna goşulandyklaryny habar berdi.
Los-Anjeles şäheriniň sebäp bolan zyýanyň ilki bada 57 milliard dollara ýetip biljekdigi, AccuWeather atly hususy kärhananyň çaklamalaryna görä bolsa ýangynlardaky zyýanyň we ykdysady zeperiň 135 bilen 150 milliard dollar aralygynda bolup biljekdigini mälim etdi.