NBA-nyň 74-nji möwsüminiň çempiony “Los Anjeles Leýkers” boldy.Los Anjeles şäheriniň wekili final duşuşyklarynyň 6-njy oýnunda “Maýami Hitden” 106:93 hasabynda üstün çykyp, umumy hasapda 4:2 öňe saýlandy. Şeýlelikde, “Los Anjeles Leýkers” 10 ýyldan taryhyndaky 17-nji çempionlygyny gazanyp, bu ugurda “Boston Seltiks” topary bilen deňleşdi.
Soňky gezek 2009-njy we 2010-njy ýyllarda bassyr 2 çempionlyk gazanan “Los Anjeles Leýkersiň” ýyldyzy LeBron Jeýms final oýunlarynyň iň gymmatly oýunçysy (MVP) saýlandy. 4-nji NBA çempionlygyny gazanan Jeýms 2012-nji, 2013-nji we 2016-njy ýyllardan soň, 4-nji gezek sapar iň gymmatly oýunçy baýragyna laýyk görüldi.
Ol 3 dürli toparda iň gymmatly oýunçy saýlanan ilkinji basketbolçy hökmünde taryhy girdi. Şeýle-de weteran oýunçy Rajon Rondo hem “Boston Seltiksde” hem-de “LA Leýkersde” soňky 56 ýylda çempionlyk gazanan ilkinji basketbolçy boldy.
Duşuşykdan soň, Entoni Dewis çempionlygy ýanwar aýynda aradan çykan “LA Leýkersiň” ozalky super ýyldyzlaryndan Kobe Braýant we gyzyna bagyş edendiklerini aýtdy.