Häzirki wagtda dünýäniň käbir şäherinde sürüjisiz metrolar ýa-da kiçeňräk awtobuslar hereket edýär. Şeýle usulyň Londonyň Grinwiç etrabynda hem ýola goýuljakdygy aýdylýar. “Harry” atly ulag synag maksady bilen bellenen aralykda üç hepdeläp hereket eder.
Tizligi sagatda 16 km-e ýetýän ulag bary-ýogy 4 ýolagça niýetlenen.Sürüjisiz münmäge niýetlenen hem bolsa, bu ulagyň hereketine gözegçilik etmek üçin onuň içinde tehniki işgär bolar.
Synag üstünlikli tamamlanan ýagdaýynda ulagyň, esasan, jemgyýetçilik ulaglarynyň gatnamaýan ýerinde peýdalanylmagy maksat edinilýär.