Liwiýanyň Milli nebit guramasyndan berilen ýazmaça beýannamada “Milli Nebit guramasy gury ýerdäki we deňizdäki ähli giňişliklerde işleriň kadaly dowam edýandigini tassyklaýar” diýilýär.
Liwiýanyň Goranmak ministrliginiň Nebit desgalarynyň goragçylary edarasy 15-nji fewralda beren beýannamasynda Liwiýanyň Milli jebislik hökümetinden talaplarynyň berjaý edilmegini isläp, eger-de 10 günüň dowamynda ol iş ýüzüne geçmese nebit känleriniň ýapyljakdygyny duýdurypdy.
Ýurtda nebit känleriniň howpsuzlygyndan jogapkär Nebit desgalarynyň goragçylary, öňňin bolsa nebit eksport edýän ähli nebit känleriniň hem-de portlarynyň ýapylandygyny habar beripdi.
Liwiýanyň hökümetiniň şol gün beren beýannamasynda Premýer-ministr Abdulhamid Dibeýbäniň Nebit desgalarynyň goragçylarynyň aýlyk haklarynyň Liwiýanyň harby gullukçylarynyň aýlyk haklary bilen deň derejä göterilmegi üçin görkezme berendigi mälim edilipdi.