Angliýanyň çempionatynda tapgyryň merkezi oýnunda “Liwerpul” öz meýdançasynda “Çelsini” 2-1 hasabynda ýeňlişe sezewar etdi.Duşuşykda “Liwerpulyň” gollaryny 29-njy minutda penaltiden Mohamed Salah bilen 51-nji minutda Kurtis Jons, “Çelsiniň” ýeke-täk goluny bolsa, 48-nji minutda Jekson geçirdi.
Salahyň APL-däki gollarynyň sany 163-e ýetdi we Jermain Defony yzda galdyryp, 8-nji orna beýgeldi.
Çempionlyk ugrunda göreş alyp barýan toparlardan “Arsenal” myhmançylykda “Bornmutdan” 2-0 hasabynda ýeňildi. Şu möwsümde ilkinji gezek utulan “Arsenalyň” düzüminde William Saliba 30-njy minutda gyzyl kart aldy.
Duşuşykda “Bornmutyň” gollaryny Kristi (70) bilen Kluiwert (79 p) geçirdi.Häzirki çempion “Mançester Siti” iň aşaky orunda barýan “Wulwerhempton” bilen duşuşyp, garşydaşyny Jon Stounzyň 90+5-nji minutda geçiren goly esasynda 2-1 hasabynda utdy. Şol hasap bilen “Mançester Ýunaýted” hem öz meýdançasynda “Brentfordy” ýeňlişe sezewar etdi.
London derbisinde-de “West Ham” Kudusyň goly bilen öňe saýlansa-da, “Tottenham” 4-1 hasabynda ýeňşini baýram etdi. 1-nji ýarymda 2-0 öňe geçen “Southempton” 2-nji ýarymda 3 gol geçiren “Lesterden” 3-2 hasabynda asgyn geldi.
Tottenham West Ham: 4-1 (Kulusewski 36, Bissuma 52, Todibo 55 ö.d., Son 60 Kudus 18),
Fulham Aston Willa: 1-3 (Himenes 5 Rojers 9, Wotkins 59, Diop 69 ö.d.),
Ipswiç Ewerton: 0-2 (Ndiaý 17, Kin 40),
Mançester Ýunaýted Brentford: 2-1 (Garnaço 47, Heýlunn 62 Pinnok 45+5),
Nýukasl Braýton: 0-1 (Welbek 35),
Southempton Lester: 2-3 (Arçer 8, Aribo 28 Buonanotte 65, Wardi 74 p, Aýuw 90+8),
Bornmut Arsenal: 2-0 (Kristi 70, Kluiwert 79 p),
Wulwerhempton Mançester. Siti: 1-2 (Strand Larsen 7 Gwardiol 33, Stounz 90+5),
Liwerpul Çelsi: 2-1 (Salah 29 p, Jons 51 Jekson 48),
Nottingam Forest Kristal Palas (şu gije)