Dünýä çempionaty 2026-nyň saýlama tapgyrynyň “E” toparçasynda jemleýji, altynjy tapgyrynda güýç synanyşýan Türkmenistanyň hem-de Gonkongyň milli ýygyndy toparlarynyň arasyndaky oýnuň eminleri belli boldy. Bu barada TFF-niň resmi saýty habar berýär.
Duşuşyga liwanly eminler topary eminlik eder. Oýnuň baş emini liwanly FIFA-nyň emini Abo Ýehiýa Hussein bolar.
Liwanly emine onuň ildeşleri Omeirat Rabih bilen Mokdad Ali ýardam ederler. Oýnuň ätiýaçdaky emini Alaeddin Seýh Ahmad bolar. Göwegçi eminiň wezipesini ýaponiýaly Toru Kamikawa, komissaryň wezipesini bolsa iordaniýaly Nisrein Mohammad Ali Alkhazaaleh ýerine ýetirer.
Türkmenistanyň hem-de Gonkongyň milli ýygyndy toparlarynyň arasyndaky duşuşyk 11-nji iýunda “Aşgabat” stadionynda geçiriler. Bu duşuşyk 20:00-da başlanar.