Ysraýylyň Kanal 7 telewideniýe kanaly, şu gün irdenden başlap Liwandan Ysraýylyň demirgazygyna 175 raketanyň atylandygyny habar berdi.
Şol raketalaryň nirä gaçandygy we ýetilen zyýan barada jikme-jik maglumat berilmedi.
Ysraýylyň Kanal 12 telewideniýe kanaly bolsa Naharýa, Akka, Haýfa we Kirýot sebitlerine Liwandan 40 raketanyň atylandygyny habar berdi.
Liwandan atylan raketalaryň bölekleriniň Akkadaky demir polat zawodynyň golaýyndaky açyk meýdana gaçandygy we ýaralanan adamlaryň bolmandygy beýan edildi.
Hüjümde Akkada gaçybatalga gitmek islän bir zenanyň ýaralanandygy aýan edildi.
Beýleki tarapdan bolsa Hamasyň ýaragly şahasy Izeddin al-Kassam brigadasynyň Ysraýylyň paýtagty Tel-Awiw şäherine atylan raketalaryň zyýanyň çekilmegine sebäp bolandygy we ýaralanan adamlaryň bardygy mälim edildi.