ABŞ-nyň Cognizant korporasiýasynyň geçiren barlaglarynda, dünýäniň 150-den gowrak şäheriniň arasynda Lissabon özüniň uniwersitetleriniň hili, infrastrukturasy we howpsuzlygy bilen tapawutlanyp, geljegiň 21 şäheriniň biri hökmünde öňe saýlandy. Şeýle-de, Lissabon hususy maýa elýeterliligi, durnukly ýerli dolandyryşy we durnukly şäher bolmagy bilen tapawutlanýar.
Beýleki tarapdan, Portugaliýanyň paýtagty medeni we güýmenje hödürlemeleri, şeýle hem ýokary durmuş derejesi bilen tanalýar.Lissabon geljekde işewürligi öňe sürjek global innowasiýalaryň we täze pikirleriň merkezi hökmünde kesgitlenildi.
Lissabondan başga-da, geljegiň şäherleriniň sanawyna Tel-Awiw (Ysraýyl), San-Paulo (Braziliýa), Wellington (Täze Zelandiýa), Dandi (Şotlandiýa), Toronto (Kanada), Atlanta, Sakramento we Portlend (ABŞ), Koççi (Hindistan), Songdo (Koreýa Respublikasy), Tallin (Estoniýa), Şençžen, Haýdýan we Pekin (Hytaý), Naýrobi (Keniýa), Lagos (Nigeriýa) we Danang (Wýetnam) girdi.
Cognizant-yň wekilleriniň pikiriçe, geljegiň 21 şäheri hökümetlere we kärhanalara beýleki ösýän ýurtlaryň üstünliklerini öwrenmäge mümkinçilik berýän ýol kartasydyr.
The post Lissabon geljegiň şäheri appeared first on Zaman Türkmenistan.