UEFA Çempionlar Ligasynda çekeleşikli geçen oýunlaryň ýene birinde hem kembek hasaba alnyp, Monte Karlo şäherinde ýerli “Monako” öz meýdançasynda “Benfikadan” 3-2 hasabynda asgyn geldi.Oýnuň 13-nji minutynda “Monako” Ben Segiriň goly bilen hasaby açdy. 2-nji ýarymyň başynda Pawlidisiň goly bilen hasap deňlendi. 58-nji minutda oýunçysy Wilfred Singonyň gyzyl kart alandygyna garamazdan, “Monako” topary Magassanyň 67-nji minutda goly esasynda 2-nji gezek öňe saýlandy. Ýöne “Benfika” topary Anhel Di Mariýanyň hem erjel oýny esasynda “Monakodan” ýeňiş bilen dolanmagy başardy.
Argentinaly ýyldyz oýunçynyň asist etmeginde 84-nji minutda Kabral tapawutlanyp, hasaby deňledi. Ýene-de Di Mariýanyň pasynda Zeki Amduni 88-nji minutda ýeňiş goluny geçirdi. Şunlukda, “Benfika” 3-2 hasabynda ýeňiş gazansa, “Monako” ilkinji gezek ýeňlişe sezewar boldy.
Di Mariýanyň Çempionlar Ligasyndaky asistleriniň sany 41-e ýetip, ol Lionel Messiden öňe geçdi. Şeýle-de, Belgiýanyň “Klub Brýugge” topary myhmançylykda Şotlandiýanyň “Seltigi” bilen duşuşyp, 1-1 hasabynda deňme-deň oýnady.
Duşuşygyň 26-njy minutynda Karter-Wikers topy ýalňyşlyk bilen öz derwezesinden girizdi we myhmanlar öňe saýlandy. Ýer eýeleri duşuşygyň 60-njy minutynda ýaponiýaly hüjümçisi Daizen Maedanyň goly bilen hasaby deňledi. /* custom css */ .td_uid_15_6749063454a53_rand.td-a-rec-img { text-align: left; } .td_uid_15_6749063454a53_rand.td-a-rec-img img { margin: 0 auto 0 0; }