Russiýanyň Daşary işler ministri Sergeý Lawrow Günbataryň ýurduna garşy gibrid söweş başladandygyny belläp: "Duşmanlar rus ykdysadyýetini ýok etmek, içerki syýasy durnuklylygy bozmak we bizi söweş meýdanynda ýeňmek, ahyrynda ençeme asyrlyk döwletimizi gowşatmak, hatda we hatda ýok etmegi maksat edinýär" diýip belledi.
Russiýanyň Daşary işler ministri Sergeý Lawrow paýtagt Moskwa şäherinde geçirilen we Rus Patriarhaty tarapyndan gurnalan 24-nji Bütindünýä Rus halky mejlisine wideo ýüzlenme ugratdy.
Wideo ýüzlenmesinde Günbataryň Russiýa garşy duruzmak syýasatyny alyp barýandygyny aýdan Lawrow: "Bütin dünýäde agalyk etmäge synanyşan ABŞ-nyň ýolbaşçylyk etmegindäki Günbatar, ýurdumyza garşy gibrid söweş başlatdy. Duşmanlar rus ykdysadyýetini ýok etmek, içerki syýasy durnuklylygy bozmak we bizi söweş meýdanynda ýeňmek, ahyrynda ençeme asyrlyk döwletimizi gowşatmak, hatda we hatda ýok etmegi maksat edinýär" diýip nygtady.
Sergeý Lawrow Günbatar ýurtlarynyň Ukraina ähli taraplaýyn goldaw berip Russiýany duruzmaga synanyşýandygyny aýdyp: "Waşington we ýaranlary Ukrainadaky neonassitlere berýän ýarag kömegini artdyrýar, razwedka maglumatlaryny paýlaşýar, Ukraina daşary ýurtly hakyna tutma esgerlerini ugradýar. Ähli bu zatlar olary meseläniň bir bölegi ýagdaýyna getirýär" diýip habar berdi.
Günbatar ýurtlarynyň Rus Ortodoks buthanasynyň lideri Patriarh Kirile garşy sanksiýa girizendigine ünsleri çeken rus ministr: "Günbatar rus buthanasynyň ruhy gymmatlyklaryny bozmaga synanyşýar we rus dünýäsi bilen daşary ýurtlardaky jemgyýetlerimize garşy güýçli ýagdaýda basyş edýär" diýip beýan etdi.
Lawrow Waşingtonyň we yzyndan barýan Ýewropa ýurtlarynyň Russiýany izolýasiýa etmek we halkara syýasatdan çykarmak başlangyjynyň şowsuzlyga duçar bolýandygyny belledi.