“Laureus” halkara sport akademiýasy tarapyndan gowşurylýan ýylyň türgenleri “Laureus” baýraklarynyň dalaşgärleri mälim edildi. Ýylyň erkek türgeni diýlen ugurdan ýeňil atletikaçy Mohammed Farah (B.Britaniýa), tennisçiler Rojer Federer (Şweýsariýa) bilen Rafael Nadal (Ispaniýa), F1 sürüjisi Lewis Hamilton, welosipedçi Kris Frum (ikisem B.
Britaniýa) hem-de futbolçy Kristiano Ronaldo (Portugaliýa) şeýle-de ýylyň zenan türgeni baýragy üçinem ýeňil atletikaçylar Allison Feliks (ABŞ), Kaster Semenýa (GAR), ýüzüji Keýti Ledeki, lyžaçy Mikaela Şiffrin (ikisem ABŞ), tennisçiler Garbine Muguruza (Ispaniýa) bilen Serena Williams (ABŞ) dalaşgär görkezildi.
Bulardan başga-da ýylyň topary, ýylyň gaýdyp gelşi, ýylyň ösüş görkezen diýen ýaly ugurlarda ýeňijiler saýlanar. 18-nji gezek geçirilen “Laureus” baýraklarynyň ýeňijileri 27-nji fewralda Monakoda belli bolar.