UEFA Ýewropa Ligasynda 4-nji duşuşyklar geçirildi. 4-nji duşuşyklardan soň diňe “Lasio” topary utuk ýitirmän ýoluny dowam edýär.Rimliler öz meýdançasynda “Porto” toparyndan 90-njy minutdan soň Pedronyň geçiren goly esasynda ýeňşini baýram etdi (Romanýoli 45+2, Pedro 90+2 Eustakio 66).
Tapgyryň ýene bir öňe saýlanýan duşuşygy Stambulda ýerli “Galatasaraý” bilen Angliýanyň “Tottenham” toparlarynyň arasynda oýnaldy. Çekeleşikli geçen oýunda türk kluby Ýunus Akgün hem-de Wiktor Osimheniň (2) gollary bilen 3-2 hasabynda ýeňiş gazandy. “Tottenhamda” Lankşir hem-de Solankeniň gollary ýeňşe ýetmedi. “Galatasaraý” ýeňlişsiz ýörişini dowam etdirse, “Tottenham” ilkinji gezek ýeňlişe sezewar boldy.
Amsterdamda ýerli “Aýaks” Tel-Awiwiň “Makkabi” toparynyň derwezesinden jogapsyz 5 gol girizdi. “Mançester Ýunaýted” bolsa Amad Diallonyň gollary bilen PAOK-y 2-0 hasabynda ýeňlişe sezewar etdi. “Hoffenhaým” bilen “Lionyň” arasyndaky duşuşygyň soňky minutlarynda toparlar 2 gol geçirdi. 1-1 dowam edýän duşuşygyň 90+3-nji minutynda Lakazett “Liony” öňe geçirse-de, “Hoffenhaýmdan” Tohumju 90+6-njy minutda hasaby deňledi.
Beşiktaş Malmö: 2-1
Aýntraht Slawiýa Praga: 1-0
Bude-Glimt Garabag: 1-2
FKSB Midtýullann: 2-0
Galatasaraý Tottenham: 3-2
Elfsborg Braga: 1-1
Nissa Twente: 2-2
Olimpiakos Reýnjers: 1-1
Ludogores Razgrad Atletik Bilbao: 1-2
Ýunion Sent-Žilluaz Roma: 1-1
Aýaks Makkabi Tel-Awiw: 5-0
AZ Fenerbahçe: 3-1
Dinamo Kiýew Ferenswaroş: 0-4
RFS Anderleht: 1-1
Wiktoriýa Plzen Real Sosiedad: 2-1
Mançester Ýunaýted PAOK: 2-0
Lasio Porto: 2-1
Hoffenhaým Lion: 2-2