Italiýanyň Super kubogyna “Lasio” topary mynasyp boldy.Rimliler Saud Arabystanynyň paýtagty Er-Riýaddaky “King Saud University” stadionynda oýnalan finalda “Serie A-nyň” çempiony “Ýuwentusdan” 3-1 üstün çykdy.
Oýnuň 16-njy minutynda Luis Alberto “Lasiony” öňe saýlady. 1-nji ýarym tamamlanmanka, has takygy, 45-nji minutda Paolo Dibala hasaby deňledi.Duşuşygyň 73-nji minutynda Senad Luliç, 90+4-nji minutynda-da jerime urgusyndan Danilo Kataldi tapawutlanyp, “Lasio” toparyna ýeňiş getiren oýunçylar boldy. Şunlukda, “Lasio” topary 1998-nji, 2000-nji, 2009-njy, 2017-nji ýyllardan soň, 5-nji gezek Italiýanyň Super kubogyny eýelemegi başardy. “Ýuwentus” topary şu möwsümde umumylykda 2-nji gezek ýeňlip, olar mundan 20 gün ozal hem çempionatyň çäklerinde “Lasiodan” 3-1 hasabynda utulypdy. Ýeri gelende aýtsak, 2017-nji ýyldaky Super Kubogy duşuşygynda-da “Lasio” topary “Ýuwentusdan” 3-2 üstün çykypdy.