Azerbaýjanly ýolbaşçylar, Ermenistanyň, Laçyn koridoryndan asuda ilatyň geçmegine rugsat berilmeýändigi hakyndaky garaýşynyň asylsyzdygyny mälim etdi.
Azerbaýjanda jemgyýetçilik guramalaryna agza meýletinler Laçyn koridorynda protest ýörişini geçirýär we koridor asuda ilat üçin açyk.
Jemgyýetçilik guramalarynyň, ermeni ilatynyň ýaşaýan we wagtlaýyn rus güýçleri tarapyndan gözegçilik edilýän Azerbaýjanyň topraklaryndaky magdan känleriniň bikanun ýagdaýda dolandyrylmagynyň öňüniň alynmagy talaby bilen başladan protest ýörişleri dowam edýär.
Şuşanyň golaýynda, Hankendini Ermenistan bilen birleşdirýän ýoldaky rus güýçleriniň gözegçiligi astyndaky zolakda 12-nji dekabrda ir ertir başladylan protest ýörişleri aşa sowuk howa garamazdan 8 günden bäri dowam edýär.
Garabagda ermeni ilatyň ýaşaýan ýerlerindäki magdanlaryň bikanun ýagdaýda dolandyrylmagynyň we daşky gurwaşa zeper ýetirilmeginiň öňüniň alynmagyny isleýän protestçylar, rus güýçleriniň serkerdesi Andeý Wolkowyň sebite gelmegini talap edýär.
Ermenistanly ýolbaşçylaryň, Laçyn koridoryndan asuda ilatyň geçmegine rugsat berilmeýändigi hakyndaky habarlarynyň bolsa asylsyzydygy mälim edildi.
Ýoluň rus güýçleriniň barrikadalary sebäpli ýapykdygyny mälim eden azerbaýjanly ýolbaşçylar, asuda ilatyň geçmeginde hiç hili bökdençligiň ýokdygyny nygtaýar.
Protest ýörişleri hakyndaky wideo sýužetler hem koridoryň asuda ilat üçin açykdygyny tassyklaýar.