Ispaniýanyň çempionatynda “Žironanyň” liderligi dowam edýär.Myhmançylykda “Raýo Wallekano” bilen duşuşan “Žirona” duşuşykda 2-1 hasabynda ýeňiş gazandy. Ýer eýeleri 5-nji minutda Alwaro Garsiýanyň goly bilen öňe saýlansalaram, 1-nji ýarym tamamlanmanka Artýom Dowbygyň goly bilen myhmanlar hasaby deňledi. 65-nji minutda-da Sawio toparyna ýeňiş getiren oýunçy boldy. 2-nji ýerdäki “Real Madrid” öz meýdançasynda “Walensiýany” kabul edip, garşydaşyny 5-1 hasabynda ýeňlişe sezewar etdi.
Madridlilere ýeňiş getiren gollary Karwahal, Winisius Junior (2) hem-de Rodrigo (2) geçirdi. “Barselona” “Alawes” duşuşygynda myhmanlaryň hüjümçisi Omorodion entek oýnuň başynda, 17-nji sekuntda hasaby açsa-da, “Barselona” 7 oýundan bäri goly ýatdan çykaran hüjümçisi Robert Lewandowskiniň (53, 78 p) gollary bilen ýeňşini baýram etdi. “Atletiko Madrid” Morenanyň goly esasynda öňe geçen “Wilýarrealy” Witsel, Grizmann hem-de Linonyň gollary bilen 3-1 hasabynda ýeňdi.