“Türkmenhimiýa” döwlet edarasy Ahal welaýatynda ýerleşýän “Tejenkarbamid” zawodynda abatlaýyş we dikeldiş işlerini geçirmek boýunça Halkara tender yglan etdi.
Bu baradaky yglan 25-nji dekabrda “”Neýtralnyý Türkmenistan” gazýetinde çap edildi.
Arzalar 30 günüň dowamynda kabul edilýär.
16-njy sentibardaky hökümet mejlisinde premýer-ministriň gurluşyk, senagat we energiýa toplumy boýunça orunbasary Çarymyrat Pürçekow “Tejenkarbamid” zawodynda düýpli abatlaýyş işlerini geçirmek baradaky teklipleriň öwrenilýändigi we kärhanada öndürilýän önümlere goýulýan maýa goýumlarynyň hasaby barada prezident Berdimuhamedowa hasabat beripdi.
2020-nji ýylyň tomsynda prezidente berlen, hasabata laýyklykda, karbamid dökünlerini öndürmäge ýöriteleşdirilen “Marykarbamid”, “Tejenkarbamid” we “Garabogazkarbamid” zawodlary içerki bazaryň talaplaryny üpjün edýär hem olaryň önümleriniň esasy bölegi daşary ýurtlara satylýar.
Ýöne, eýýäm şu ýylyň fewralynda prezident “Türkmenhimiýa” döwlet edarasynyň başlygynyň işini tankytlapdy.
Berdimuhamedowyň bellemegine görä, “Tejenkarbamidiň” kuwwatlylygynyň bary-ýogy 53,7 göterimi, “Marykarbamidiň” kuwwatlygynyň 62,5 göterimi we “Maryazot” önümçilik birleşiginiň kuwwatlygynyň bary-ýogy 23 göterimi ulanylýar.
2021-nji ýylyň aprelinde “Türkmenistanyň Hronikasynyň” habarçylary Tejeniň ýaşaýjylarynyň göz agyry şikaýatlary bilen Aşgabada köpçülikleýin gelmäge başlandygy barasynda maglumat beripdiler.
Adamlar gözlerindäki agyry, ýanma we görüşleriniň düýpgöter ýaramazlaşandygy bilen ilteşikli arz edipdiler.
Lukmanlar anyk diagnoz goýup bilmediler.
Göz lukmanlarynyň biriniň sözlerine görä, muňa daş-gurşawyň hapalanmagy şol sanda, şäheriň çetindäki karbamid we ammiak dökünlerini öndürýän zawodyň atyklarynyň sebäp bolmagy ähtimal.
Hatda, başga bir hünärmeniň pikiriçe, gözlerde ýanma sebäbiniň trahoma ýokanjy bilen ilteşikli bolmagy mümkin.The post Kuwwatlylygy 53,7 göterim ulanylýan “Tejenkarbamid” zawodynda abatlaýyş işleri üçin tender yglan edildi first appeared on Türkmenistanyň Hronikasy.