Köpleriň uly söýgüsini gazanan meşhur “Kung-fu panda” (Kung Fu Panda) animasiýalarynyň 4-nji bölüminiň ekranlara çykaryljak wagty mälim edildi. “DreamWorks Animation” studiýasynyň önümi bolan multfilmiň 4-nji bölümi 2024-nji ýylyň 8-nji martynda kinoteatrlara ýaýradylar.
Ekran eserine kimiň režissýorlyk etjekdigi häzirlikçe belli däl.Ilkinjisi 2008-nji ýylda ekranlara çykan “Kung-fu panda” multfilmleriniň 2-nji 2011-nji ýylda, 3-njisi 2016-njy ýylda tomaşaçylaryň dykgatyna ýetirilipdi. 3 animasiýa üçin 425 million dollarlyk çykdajy eden studiýa 1,8 milliard dollarlyk girdeji gazanypdy.
Mundan öňki 3 bölümde multfilmiň baş keşpdäki gahrymanlaryna Jek Bläk, Dastin Hoffman, Anjelina Joli, Jekçi Çan, Lýusi Liýu, Set Rojen, Dewid Kross dagy ses beripdi.