16-njy awgust gijesi Russiýa tarapyndan anneksirlenen Krymyň käbir şäherlerinde partlamalaryň bolandygy habar berildi. Ukrainanyň Kerç şäherine barýan gämi batdy we Krasnodar oblastynyň Çernomorsk etrabynda bir gämä hüjüm guraldy.
“Krymski Weter” atly telegram ýaýlymy ýerli halkdan alan maglumatlaryna salgylanyp, Kerç gämi duralgasynda ýangyn bolandygyny ýazdy.
Ýerli metbugatyň mälim etmegine görä Sewastopolyň, Simferopolyň we Kerçiň ýaşaýjylary ýerli wagt bilen 3.30-da partlama seslerini eşitdiler.
Krymyň goňşusy Krasnodarda ýerleşýän Çernamorsk etrabynda-da ýerli wagt bilen 4.30-da köp sanly partlamalar boldy.
Ýerli halkyň habar bermegine görä Krymy Russiýa birikdirýän Kerç köprüsi gije sagat 2 töwereginde gatnawa ýapyldy. Köpri ertir sagat 7-de gaýtadan açyldy.
Russiýanyň Goranmak ministrligi bolsa Gara deňizde gije Ukraina degişli 2 uçarmansyz howa ulagynyň we 2 kapitansyz gäminiň hatardan çykarylandygyny habar berdi.