Ýaponiýanyň “SBI Motor Japan” kompaniýasy “Bitcoin” (BTC) we XRP (Ripple) kriptopullaryny töleg serişdesi hökmünde kabul etjekdigini mälim etdi. Bu usul arkaly töleg “SBI Group” maliýe edarasynyň blokçeýn şahasy bolan “SBI VC Trade” arkaly amala aşyrylar. Kompaniýa, esasan, Afrika ýurtlarynda işleýär.
Soňky ýyllarda bu sebitde kriptopullar ýaýrap başlady. Golaýda Orta Afrika Respublikasy “Bitcoin”-i resmi pul birligi hökmünde kabul edipdi. Şeýle hem Ýaponiýanyň “SBI Group” kompaniýasyna degişli bolan “Morningstar” hem XRP kriptopuly bilen bagly maksatnamasyny giňeldendigini mälim edipdi.
Suraç Abdullaýew, Türkmen döwlet maliýe institutynyň talyby