Kosowanyň demirgazygynda Zweçan etrap häkimligine bagly Rudarda gurlan barrikadanyň aýrylmagy bilen Demirgazyk Mitrowisa-Leposawiç gara ýoly ulag gatnawyna açyldy.
Rudardaky barrikada, Kosowa bilen Serbiýanyň arasyndaky Žarine gümrük geçelgesine tarap gidýän ýurduň demirgazygyndaky iň uly ýoluň ugrunda ýerleşýärdi we serpler tarapyndan 24 sagadyň dowamynda goralýardy.
Kosowanyň demirgazygynda serpler tarapyndan gurlan barrikadalaryň esasy bölegi ortadan aýryldy.
Barrikadalar, Kosowanyň demirgazygynda ozalky serp polis gullukçysy Dežan Pantiçiň tussag edilmegine garşylyk görkezmek maksady bilen gurlupdy.
Tussaglylyk kararynyň öý tussaglygyna öwrülmeginden we Serbiýanyň Prezidenti Aleksandr Wuçiçiň çarşenbe güni beren çagyryşyndan soň Kosowanyň demirgazygyndaky barrikadalar ortadan aýrylmaga başlanypdy.