Dünýäniň iň gurply işewürleriniň biri bolan Jeff Bezos kosmos syýahatçylygyny ýola goýmagy maksat edinýär.Bu maksat bilen döredilen Blue Origin atly kompaniýa syýahatçylyk maksady bilen ulanyljak ilkinji raketany synagdan geçirýär. 16-njy oktýabrda geçirilen synag uçuşy göni ýaýlym arkaly internetden ýaýradyldy.
Häzire çenli kosmos gämisi adamly synagdan geçirilmedi.Kosmos gämisinde häzire çenli diňe Mannequin Skywalker atly maniken bilen synag geçirildi.Täze Shepard atly gämi kosmos giňişligini gysga wagtlyk görmek isleýän syýahatçylary gatnatmak üçin ulanylar.
Ilkinji syýahatyň haçan başlajakdygy we ýol nyrhynyň näçeräk boljakdygy barada habar berilmedi.Blue Origin kompaniýasynyň dolandyryjylar geňeşiniň başlygy Robert Smit ýakyn geljekde syýahatçylyk maksady bilen kosmosa uçuşlary ýola goýjakdyklaryny mälim etdi.
Aýgül Şükürowa, S. A. Nyýazow adyndaky
Türkmen oba hojalyk uniwersitetiniň Aşgabat şäherindäki Agrosenagat orta hünär okuw mekdebiniň talyby.